फ्री फोटोशेरिंग साईट व त्यांचे फायदे, तोटे
- ओढा आणि सोडा (drag and drop) तत्वावर असेलेली हि साईट वापर करायला खूप सोपी आहे. नेट वापरायला नुकतेच शिकलेल्या लोकांना हि साईट खूपच चांगली आहे.
- ह्या साईट वर फ्री मध्ये रजिस्टर करू शकता.
- हि साईट १ जीबी ची जागा फुकट मध्ये देते. त्याहून जास्त हवी असल्यास पैसे भरून घेता येते.
- ह्या साईट वरून तुम्ही दुसऱ्यांनी अपलोड केलेले फोटो बघू आणि कमेंट करू शकता.
- नुकतेच त्यांनी व्हिडीओ अपलोडिंग ची सेवा पुरवणे चालू केले आहे.पण YouTube च चांगले.
- जर तुमच्या कडे गुगल चे लॉगिन असेल तर तुम्ही तेच वापरून इथे लॉगीन करू शकता. जर तुम्ही Blogger वर ब्लॉग लिहीत असला तर तुमचे सर्व पोस्ट केलेले फोटो आपोआप पिकासा मध्ये जमा होत असतात.
- ह्या साईट वर ऑनलाईन फोटो एडिटिंग करता येत नाही.
- तुम्ही तुमचे अपलोड केलेले फोटो मूळ साईज मध्ये डाउनलोड करू शकता. हि सेवा खूप कमी साईट पुरवतात.
- पिकासा प्रमाणे ओढा आणि सोडा (drag and drop) तत्वावर असेलेली हि साईट वापर करायला खूप सोपी आहे.
- ह्या साईट वर ऑनलाईन फोटो एडिटिंग उपलब्ध आहे.
- पिकासा प्रमाणे इथे पण तुम्ही अल्बम बनवून शेअर करू शकता.
- फ्लिकर तुम्हाला १०० एमबी पर्यन्त फोटो एका कॅलेंडर महिन्यात अपलोड करायला देते. हे थोडे त्रासदायकच आहे जर तुम्हाला जास्त फोटो अपलोड करायचे असतील तर.
- फक्त शेवटचे २०० फोटो तुम्हाला तुमच्या प्रोफाईल वर दिसतात.
- आपण अपलोड केलेले फोटो फ्लिकर छोट्या साईज मध्ये परावर्तीत करते. त्यामुळे जर तुम्हाला कधी तुमचा ओरीजिनल साईज आणि मेगा पिक्सल चा फोटो पाहिजे असेल तर परत मिळू शकत नाही. हा ह्या साईट चा खूप मोठा तोटा आहे.
- ह्या साईट वर तुम्ही तुमचे याहू चे लॉगीन वापरू शकता.
- अमर्यादित साठवण्याची जागा. ओनलाईन फोटो एडिटिंग उपलब्ध आहे.
- पण एखादा सिंगल फोटो शेरिंग जरा किचकट आहे. तुम्हाला युसर्ज चे फोटोचे अल्बम बघायला मिळतील पण एखाद्या सिंगल फोटो वर कमेंट करता येत नाही. पूर्ण अल्बम वर कमेंट करू शकतो.
- जरी फोटो साठवण्याची जागा अमर्यादित असली तरी हे फोटो सर्वर वर सेव्ह करताना साईज कमी करून जमा केले जातात त्यामुळे ओरिजिनल फोटो परत मिळत नाही.
- दुसऱ्या ब्लॉग किवा वेबसाईट वरून ह्या फोटोची लिंक योग्य रीतीने देता येत नाही. त्यामुळे हि साईट फक्त फोटो अपलोड करायच्याच कामाची आहे.
- ह्या साईट वर तुम्ही स्वत:चे फोटो बुक, अल्बम, ग्रीटिंग कार्ड, कॅलेंडर बनवू शकता आणि ओनलाईन मागणी पण करू शकता. अर्थात पैसे भरून.
- सदस्यत्व घेतल्यावर ४ x ६ चे ५० फोटो प्रिंट करून मागवू शकता.
- ओढा आणि सोडा (drag and drop) तत्वावर असेलेली वापरायली सोपी वेबसाईट.
- इतर सदस्याचे फोटो पाहून कमेंट करू शकता.
- तुमच्या ब्लॉग किवा वेबसाईट वर लिंक हि चांगल्या पद्धतीने करू शकता.
- प्रत्येक फोटो च्या बाजूला येणाऱ्या साईज च्या बटणावर क्लीक करून तुम्ही साईज लहान मोठी करू शकता. ह्या साईज प्रमाणे तुम्हाला नवीन एचटीएमएल कोड मिळवता येतो.
- स्टोरेज सेवा हि चांगली आहे. पहिले लॉगीन केल्यावर तुम्हाला १००० फोटो साठी जागा मिळते आणि ती दर महिन्याला १०० फोटो प्रमाणे वाढत जाते.
- एकच कंटाळवाणी गोष्ट म्हणजे जास्त प्रमाणात असलेल्या जाहिराती. अर्थात तुम्हाला फुकट सेवा देण्यासाठी त्यांना जाहिराती घ्यावयाच लागत असतील.
- फोटो एडिटिंग मध्ये फक्त रोटेट आणि क्रॉप चे (rotate and crop) बटन आहेत.
- अमर्यादित साठवण्याची जागा.
- ते फक्त JPEG फोर्मेट मध्येच स्वीकारतात.
- फोटो स्टोरेज बरोबर ते फोटो प्रिंट, फोटो बुक, अल्बम, किचेन , प्रिंटेड माउस पॅड, कप, कॅलेंडर अशा अनेक सुविधा पुरवतात.
- तुमचे फ्री अकाउंट ठेवण्यासाठी त्यांच्याकडून १२ महिन्यातून एक तरी खरेदी करावी लागते.
- मोठा तोटा म्हणजे हि साईट शेरिंग सर्विस पुरवत नाही. सुरक्षित म्हणवणारी हि साईट दुसऱ्या सदस्याचे फोटो पण बघायला देत नाही.
- व्हिडीओ पण सेव्ह करू शकता पण .mov फॉर्मेट मधेच आणि ते सुधा फक्त तीस दिवसच. (?)
- अर्थातच ते तुमचे ओरिजिनल साईज मधले फोटो परत करत नाही. ते तुम्हाला कमी साईज मध्येच मिळतात.
- फेसबुक चे लॉगीन वापरू शकता.
- फेसबुक चे लॉगीन वापरू शकता
- एडिटिंग चे चांगले पर्याय उपलब्ध, रेड आय फ़िक्सिंग चा पर्याय पण आहे. खूप सारे एफेक्ट देऊ शकता. एफेक्ट नाही आवडले तर ओरीजिनल फोटो परत रिस्टोर करू शकता.
- ओरिजिनल साईज मिळते कि नाही हा पर्याय अजून तपासायला मिळाला नाही आहे.
- शेरिंग चे खूप चांगले पर्याय उपलब्ध. सिंगल फोटो तसेच पूर्ण अल्बम शेअर करू शकता. ब्लॉगर, मायस्पेस, फेसबुक सारखे अनेक साईट ला शेरिंग करणे सोपे आहे.
- फ्री अकाउंट तुम्हाला १ जीबी ची जागा देतो व २५ जीबी ची ट्राफिक देतो. पण मी लॉगीन केले तेव्हा ५०० एमबी ची जागा आणि १० जीबी चीच ट्राफिक मिळाली बहुतेक आता कमी केली असावी. फुकट असल्यामुळे काही बोलू शकत नाही.
- १० जीबी पेक्षा जास्त ट्राफिक झाले कि आपोआप फोटोबकेट आपले फोटो ब्लॉग वरून काढून टाकतो. (????)
- जास्तीत जास्त १ एमबी किंवा १०२४ x ७६८ चा फोटो अपलोड करू शकतो. एका स्लाईडशो मध्ये जास्तीत जास्त २५ फोटो राहतात.
- व्हिडीओ अपलोड ची पण सेवा आहे. पण फक्त १०० एमबी किंवा ५ मिनिटांचा
- फ्री रजिस्टर करू शकता
- अमर्यादित ट्राफिक
- ओरिजिनल फोटो डाउनलोड करू शकता. (बॅकअप घेण्यासाठी उत्तम पर्याय)
- अमर्यादित स्टोरेज
- सिंगल फोटो तसेच पूर्ण फोल्डर हि अपलोड करू शकता.
- अपलोड करण्यासाठी Window explorer सारखे ऑपरेटिंग साईट वर असल्यामुळे अपलोड करायला एकदम मस्तच.
- १ जीबी पर्यंत फोटो अपलोड ( खूप म्हणजे खूपच जास्त) सध्या तरी एवढी सेवा कुठलीच साईट पुरवत नाही.
- शेरिंग करायला पण सोप्पी आहे.
- इतर सदस्याचे फोटो पाहून कमेंट करू शकता.
- वर दिल्यापैकी फ्लिकर, पिकासा, फोटोबकेट वर अपलोड केलेले फोटो डायरेक्ट ह्या साईट वर आणु शकता.
- जिओ -तॅग़ (GEO-TAG) पण करू शकतात .
- फेसबुक प्रमाणे मित्र परिवार बनवू शकता.
वर्तक नगर चे साईबाबा...
दरवर्षी प्रमाणे ह्या वर्षी सुद्धा वर्तक नगर च्या साईबाबांचा वर्धापन दिन तिथीनुसार साजरा झाला. शिर्डी च्या साईबाबांची प्रतिकृती असलेले वर्तक नगरचे साईबाबा म्हणजे इथल्या भक्तांची प्रती शिर्डीच. मराठी तिथी नुसार साईबाबांचा वर्धापन दिवस साजरा होतो. २९ नोव्हेंबर पासून सुरु झालेला हा उत्सव ३ दिवस चालला आणि आज त्याची सांगता झाली. तिसऱ्या दिवशी बाबांची मंदिरातून पालखी निघते आणि वाजतगाजत मोठ्या थाटामाटात तिची पूर्ण वर्तक नगर मध्ये मिरवणूक निघते. हि मिरवणूक पुढे जानका देवी च्या मंदिरात जाऊन परत साईबाबांच्या मंदिरात परतते. ह्या वेळेला रस्त्यावर मोठ्या संस्कार भारतीच्या रांगोळ्या काढल्या जातात. पुण्यावरून खास ढोल ताशे बोलावले जातात. सुंदर आतिषबाजी केली जाते. दांडपट्टा चालवणारे, लेझीम खेळणारे, तलवार चालवणारे अनेक कलाकार आपली कला दाखवतात. एकंदरीत खूप रम्य आणि पाहण्यासारखा सोहळा असतो. ऑफिस मधून येईपर्यंत पालखी अर्ध्याहून पुढे निघून जाते. पण आज नशिबाने दर्शन मिळाले. माझ्या जुन्या घराच्या समोरच पालखी पोहोचली होती. चांगले दर्शन झाले. पालखी सोहळ्याचे दृश्ये आणि बाबांच्या मंदिरातली काही इथे पोस्ट केली आहेत.
यारी कि गाडी...
हिरो होंडा ची नवी जाहिरात यारी कि गाडी बघितली आहे का?
ह्या दिवाळीचा आकाश कंदील...
मागच्या वर्षी प्रमाणे ह्या वर्षी हि कंदील बनवण्याचे ठरवले होते. पण वेळ चा नव्हता मिळत. ऑफिस मध्ये इंटरव्यू असल्याने अभ्यासाची तयारी करण्यातच वेळ जात होता. धनत्रयोदशीच्या दिवशी पर्यंत कंदील तयार झाला नाही त्यामुळे बायकोचे ओरडणे चालू झाले होते. कंदील कधी लावणार? दिवाळी झाल्यावर बनवणार काय? तुझे तर नेहमीच असे असते.... जगाच्या मागून वगैरे वगैरे. मला माहित होते कि मी एकदा बसलो तर ३/४ तासात कंदील बनवून होईल पण वेळच नव्हता भेटत. शेवटी धनत्रयोदशीच्या दिवशी बायकोने शेवटची ऑर्डर सोडली कि आज नवीन कंदील बाजारातून विकत घ्यायचाच, मी मग बिचारा काय करणार ? पण म्हणालो आजचा दिवस दे आज रात्री कंदील बनवूनच टाकतो. मागच्या वर्षी पण असाच आकाश कंदील बनवला होता. तो एवढा चांगला नव्हता झाला. ह्या वर्षी बांबू च्या काठ्यांचा बनवायचा होता. पण शेवटच्या दिवसा पर्यंत काठ्या काही मिळाल्या नाहीत. मग शेवटी ठरवले कि साधा वालाच आकाश कंदील बनवायचं. विचार आला चला, त्या निमित्ताने ब्लॉग लिहायला एक विषय भेटला. मी कंदील बनवायचा केलेला प्रयत्न इथे दिलेला आहे.
वापरलेले साहित्य : पुठठा किंवा कार्डबोर्ड पेपर, पतंगी पेपर, कैची, कटर, स्टेपलर, फेविकॉल,एक सोनेरी पेपर, धागा, करकटक.
ह्या पट्ट्यांना गोलाकार करून त्यांना फेविकॉल लावून स्टेपलर मारले. स्टेपलर मारल्याने फेविकॉल सुकायला वेळ मिळतो आणि गोल सुटत नाही.
पहिल्या गोलाकार पुठठयाच्या वर्तुळाला खाली ठेवून तीन समान अंतरावर ह्या पुठ्ठ्याला फेविकॉल लावून स्टेपलर मारले.
त्यानंतर दुसऱ्या गोलाकार पुठठयाला वर फेविकॉल लावून स्टेपलर मारले. हे पुठ्ठे थोडे मजबूत असणे जरुरीचे आहेत. नाहीतर वाऱ्याने कंदील फाटण्याची शक्यता असते.
हा कंदीलाचा सांगाडा तयार झाला.
ह्याच्या पुढचे काम थोडे किचकट आहे. आता कंदिलाच्या पाकळ्या बनवायच्या आहेत. त्यासाठी एखादि सोपिशी नक्षी निवडावी जी काढायला सोपी असेल आणि कैची ने कापायला पण सोपी असेल. ह्यासाठी रद्दी च्या वर्तमान पत्रावर पहिले सराव करावा. त्यातून एक नक्षी ठरवावी आणि बाकीच्या पाकळ्या त्यानुसार बनवाव्या.
वर्तमानपत्रावर कापलेली नक्षी आधार म्हणून घेऊन सर्व पतंगी पेपर एकाच आकाराचे कापावेत.
कापलेली घडी उघडल्यावर पाकळी अशी दिसेल.
ह्या पाकळीची दोन्ही टोके फेविकॉल ने चिटकवून घाव्यीत. सर्व कामासाठी खळ अथवा फेविकॉल वापरावा, साधा गम वापरण्याचे टाळावे जेणेकरून कंदील वाऱ्यावर सुद्धा न फाटता चांगला राहतो.
नंतर सोनेरी पेपर चा ठिपके अथवा चौकोनी तुकडे कापून घ्यावीत आणि ते पाकळीवर अशा पद्धतीने चिटकवावीत.
नंतर आधी बनवलेल्या सांगाड्यावर एकामागून एक पाकळ्या शक्य तेवढ्या जवळ लावाव्यात. पाकळ्या जवळ लावल्याने कंदील भरगच्च वाटतो आणि मागील पुठ्ठ्याचा सांगाडाहि दिसत नाही.
नंतर सोनेरी पेपर च्या दोन पट्ट्या कापून घ्याव्यात. बाजारात मिळणाऱ्या सोनेरी पेपर ला पर्याय म्हणून गिफ्ट पेपर पण वापरू शकतो. मी सुद्धा सोनेरी रंगाचा गिफ्ट पेपर वापरला आहे. गिफ्ट पेपर ला जास्त चमक असते आणि आतमध्ये लाईट सोडली असता ती जास्त चमकून दिसते. फक्त हा पेपर जास्त लवचिक असल्याने कापताना जरा त्रास होतो. सरळ रेषेत कापायला जमत नाही. (शक्यतो सोनेरी पेपरच वापरावा कारण इतर चंदेरी आणि रंगीत पेपरने कंदील खुलुन दिसत नाही. मी ते सर्व प्रकार करून बघितले आहेत. सोनेरी पेपर चा चांगला वाटतो.)
समान अंतराचे तुकडे कापून ते मोकळे करावेत. अशा तऱ्हेने शेपट्या तयार होतील.
ह्या शेपट्या खालच्या बाजूने एकमेकांमध्ये अंतर न ठेवता आतल्या बाजूने चिटकाव्यावत.
त्याच्या वरच्या बाजूला कैचीने अथवा करकटकने छोटे छिद्र करून त्यात धागा ओवला. आत मध्ये बल्ब सोडला आणि अशा रीतीने कंदील तयार झाला.
वर्तक नगरची जानका देवी
मंदिरा पर्यंत जायचा मार्ग हि चांगला झाला होता. आता कार, बाईक अगदी मंदिरापर्यंत जाऊ शकते. त्यावेळेला एक पैदल पूल होता. तो चढून मंदिरापर्यंत जाण्याचा रस्ता होता. गाडी जायला रस्ता नव्हता. मंदिराच्या समोरच एक चर्च आणि इंग्लीश शाळा आहे. त्या चर्च मध्ये व शाळेमध्ये यायला रस्ता विरुद्ध दिशेने आहे. पण त्या दिशेने मंदिरात यायला परवानगी नाही. मंदिरात यायचा पुल काही वर्षापूर्वी कोसळलाआणि त्या नंतर त्यावर नवीन पूल बांधला गेला. तो पूल मग गाडी ये जा करू शकते असा बांधला गेला त्यामुळे खूपच चांगले झाले.
मंदिरातून आत शिरलो आणि गाभाऱ्या पर्यंत पोचलो. पुजारी बाबांची आठवण झाली, ते गाभाऱ्यात पायांवर बसायचे आणि ओटी घ्यायचे. देवी पुढचे गंध भक्तांच्या कपाळाला लावायचे. गाभारा खूप छोटा होता आणि खूप अंधारात होता. त्यात एक छोटा बल्ब सोडलेला असायचा. आता त्याच गाभाऱ्याचे सौंदर्य खुलून आले होते. मातीच्या भिंती जाऊन तेथे मार्बल च्या भिंती आल्या आहेत. त्यात देवी चे रूप अजून खुलून दिसतहोते. चक्क गर्दी कमी असल्यामुळे आणि मी उशिरा गेल्यामुळे जास्त माणसे नव्हती.त्यामुळे चांगले फोटो काढता आले. खूपच प्रसन्न वाटले.
त्यांचा आशीर्वाद घेऊन मंदिरातून बाहेर पडलो. विजूला हि मंदिर खूप आवडले. लग्न झाल्यापासून का नाही आणले एवढ्या चांगल्या मंदिरात? मी काय उत्तर देणार जे जे नशिबात असते ते ते त्याच वेळेला मिळते. मंदिरातून निघताना मन खूप जड झाल्यासारखे वाटले. मग विचार केला कि हे मंदिर आपलेच आहे. आपल्याच परिसरात आहे. कधी पाहिजे तेव्हा येऊ शकतो. तेव्हा कुठे मन हलके झाले. आणि आम्ही निघालो.
----