Sunday, December 19, 2010
फ्री फोटोशेरिंग साईट व त्यांचे फायदे, तोटे
डिजिटल कॅमेरा आल्यापासून फोटोग्राफी क्षेत्रात तर एक नवीन क्रांतीच आली. काही वर्षापूर्वी कॅमेरा म्हणजे एक चैनीची गोष्ट होती. कॅमेरा चा खर्च, कॅमेरा रोल चा खर्च, फोटो प्रिंट करायचा खर्च, अल्बम चा खर्च, त्यात फोटो चांगलाच येईल ह्याची शक्यताच कमी. परत ते फोटो जर आपल्याला शेअर करायचे असेल तर काही शक्यताच नाही. फोटो जर इंटरनेट वर टाकायचे असतील तर चांगल्या प्रतीचा स्कॅनर लागायचा. पण डिजिटल फोटोग्राफी आली फोटोग्राफी मध्ये क्रांतीच आली. अनेक डिजिटल कॅमेरा आले, स्वस्त झाले, मोबाईल आले. मोबाईल मध्ये कॅमेरा आला आणि प्रत्येक जन फोटोग्राफर झाला. फोटो काढल्यावर लगेचच परिणाम दिसू लागले. आवडला तर ठेवायचा नाही तर डिलीट करून नवीन काढायचा.
डिजिटल फोटोग्राफी आली त्याबरोबर डिजिटल फोटो आणि डिजिटल इमेजेस पण आले. ते आपल्या संगणकमध्ये जमा करून ठेवावे लागत. ते आपल्या मित्रांबरोबर शेअर करण्यासाठी अनेक सोशल नेटवर्किंग च्या साईट आल्या व काही फक्त फोटो शेअरिंग च्या साईट आल्या. ह्या साईट आपले फोटो त्यांच्या सर्वर वर अपलोड करून ठेवायला जागा देतात. फोटो साठी जागेव्यतिरिक्त ते फोटो एडिटिंग, शेरिंग सारख्या अनेक सेवा सुद्धा पुरवतात. ब्लॉग लिहायला सुरुवात केल्यावर ह्या फुकट सेवा देणाऱ्या साईट चा शोध चालू झाला आणि काही चांगल्या वाईट साईट भेटल्या अशाच काही साईट बद्दल माहिती, ह्या साईट चे फायदे, तोटे इथे द्यायचा प्रयत्न केला आहे.
पिकासा हे फोटो एडिटिंग चे एक सॉफ्टवेअर पण आहे. ते ह्या लिंक वर डाउनलोड करता येईल. हे एडीट केलेले फोटो आपण पिकासा वेब अल्बम वर अपलोड करू शकतो. ह्यासाठी इथे क्लीक करा. काही वर्षापूर्वी गुगल ने विकत घेतल्यावर हि साईट खुपच चांगली झाली. जाहिराती रहित हि वेबसाईट ऑपरेट करायला खुपच सोपी आहे. ह्या साईट बद्दलची काही वैशिष्ट्ये
- ओढा आणि सोडा (drag and drop) तत्वावर असेलेली हि साईट वापर करायला खूप सोपी आहे. नेट वापरायला नुकतेच शिकलेल्या लोकांना हि साईट खूपच चांगली आहे.
- ह्या साईट वर फ्री मध्ये रजिस्टर करू शकता.
- हि साईट १ जीबी ची जागा फुकट मध्ये देते. त्याहून जास्त हवी असल्यास पैसे भरून घेता येते.
- ह्या साईट वरून तुम्ही दुसऱ्यांनी अपलोड केलेले फोटो बघू आणि कमेंट करू शकता.
- नुकतेच त्यांनी व्हिडीओ अपलोडिंग ची सेवा पुरवणे चालू केले आहे.पण YouTube च चांगले.
- जर तुमच्या कडे गुगल चे लॉगिन असेल तर तुम्ही तेच वापरून इथे लॉगीन करू शकता. जर तुम्ही Blogger वर ब्लॉग लिहीत असला तर तुमचे सर्व पोस्ट केलेले फोटो आपोआप पिकासा मध्ये जमा होत असतात.
- ह्या साईट वर ऑनलाईन फोटो एडिटिंग करता येत नाही.
- तुम्ही तुमचे अपलोड केलेले फोटो मूळ साईज मध्ये डाउनलोड करू शकता. हि सेवा खूप कमी साईट पुरवतात.
गुगलच्या पिकासा ची मुख्य स्पर्धक Flickr. याहू चे पाठबळ हिला लाभले आहे. आजच्या घडीला सर्वात जास्त वापरली जाणारी, बघितली जाणारी आणि कमेंट केली जाणारी वेबसाईट.ह्या साईट बद्दलची काही वैशिष्ट्ये
- पिकासा प्रमाणे ओढा आणि सोडा (drag and drop) तत्वावर असेलेली हि साईट वापर करायला खूप सोपी आहे.
- ह्या साईट वर ऑनलाईन फोटो एडिटिंग उपलब्ध आहे.
- पिकासा प्रमाणे इथे पण तुम्ही अल्बम बनवून शेअर करू शकता.
- फ्लिकर तुम्हाला १०० एमबी पर्यन्त फोटो एका कॅलेंडर महिन्यात अपलोड करायला देते. हे थोडे त्रासदायकच आहे जर तुम्हाला जास्त फोटो अपलोड करायचे असतील तर.
- फक्त शेवटचे २०० फोटो तुम्हाला तुमच्या प्रोफाईल वर दिसतात.
- आपण अपलोड केलेले फोटो फ्लिकर छोट्या साईज मध्ये परावर्तीत करते. त्यामुळे जर तुम्हाला कधी तुमचा ओरीजिनल साईज आणि मेगा पिक्सल चा फोटो पाहिजे असेल तर परत मिळू शकत नाही. हा ह्या साईट चा खूप मोठा तोटा आहे.
- ह्या साईट वर तुम्ही तुमचे याहू चे लॉगीन वापरू शकता.
वापरायला सोपी असलेली हि साईट चांगली आहे पण तेवढेच तिचे तोटे हि आहेत.
- अमर्यादित साठवण्याची जागा. ओनलाईन फोटो एडिटिंग उपलब्ध आहे.
- पण एखादा सिंगल फोटो शेरिंग जरा किचकट आहे. तुम्हाला युसर्ज चे फोटोचे अल्बम बघायला मिळतील पण एखाद्या सिंगल फोटो वर कमेंट करता येत नाही. पूर्ण अल्बम वर कमेंट करू शकतो.
- जरी फोटो साठवण्याची जागा अमर्यादित असली तरी हे फोटो सर्वर वर सेव्ह करताना साईज कमी करून जमा केले जातात त्यामुळे ओरिजिनल फोटो परत मिळत नाही.
- दुसऱ्या ब्लॉग किवा वेबसाईट वरून ह्या फोटोची लिंक योग्य रीतीने देता येत नाही. त्यामुळे हि साईट फक्त फोटो अपलोड करायच्याच कामाची आहे.
- ह्या साईट वर तुम्ही स्वत:चे फोटो बुक, अल्बम, ग्रीटिंग कार्ड, कॅलेंडर बनवू शकता आणि ओनलाईन मागणी पण करू शकता. अर्थात पैसे भरून.
- सदस्यत्व घेतल्यावर ४ x ६ चे ५० फोटो प्रिंट करून मागवू शकता.
जवळपास फ्लिकर सारखेच वैशिष्ट्य असलेली हि वेबसाईट आहे.
- ओढा आणि सोडा (drag and drop) तत्वावर असेलेली वापरायली सोपी वेबसाईट.
- इतर सदस्याचे फोटो पाहून कमेंट करू शकता.
- तुमच्या ब्लॉग किवा वेबसाईट वर लिंक हि चांगल्या पद्धतीने करू शकता.
- प्रत्येक फोटो च्या बाजूला येणाऱ्या साईज च्या बटणावर क्लीक करून तुम्ही साईज लहान मोठी करू शकता. ह्या साईज प्रमाणे तुम्हाला नवीन एचटीएमएल कोड मिळवता येतो.
- स्टोरेज सेवा हि चांगली आहे. पहिले लॉगीन केल्यावर तुम्हाला १००० फोटो साठी जागा मिळते आणि ती दर महिन्याला १०० फोटो प्रमाणे वाढत जाते.
- एकच कंटाळवाणी गोष्ट म्हणजे जास्त प्रमाणात असलेल्या जाहिराती. अर्थात तुम्हाला फुकट सेवा देण्यासाठी त्यांना जाहिराती घ्यावयाच लागत असतील.
- फोटो एडिटिंग मध्ये फक्त रोटेट आणि क्रॉप चे (rotate and crop) बटन आहेत.
काही प्रमाणात चांगली पण किचकट अटी असलेली वेबसाइट.
- अमर्यादित साठवण्याची जागा.
- ते फक्त JPEG फोर्मेट मध्येच स्वीकारतात.
- फोटो स्टोरेज बरोबर ते फोटो प्रिंट, फोटो बुक, अल्बम, किचेन , प्रिंटेड माउस पॅड, कप, कॅलेंडर अशा अनेक सुविधा पुरवतात.
- तुमचे फ्री अकाउंट ठेवण्यासाठी त्यांच्याकडून १२ महिन्यातून एक तरी खरेदी करावी लागते.
- मोठा तोटा म्हणजे हि साईट शेरिंग सर्विस पुरवत नाही. सुरक्षित म्हणवणारी हि साईट दुसऱ्या सदस्याचे फोटो पण बघायला देत नाही.
- व्हिडीओ पण सेव्ह करू शकता पण .mov फॉर्मेट मधेच आणि ते सुधा फक्त तीस दिवसच. (?)
- अर्थातच ते तुमचे ओरिजिनल साईज मधले फोटो परत करत नाही. ते तुम्हाला कमी साईज मध्येच मिळतात.
- फेसबुक चे लॉगीन वापरू शकता.
एडिटिंग चे अतिशय चांगले पर्याय असलेली वेबसाईट, वापरायला सोपी असलेली साईट खूप ब्लॉगर वापरतात. काही वैशिष्ट्ये पाहूया.
- फेसबुक चे लॉगीन वापरू शकता
- एडिटिंग चे चांगले पर्याय उपलब्ध, रेड आय फ़िक्सिंग चा पर्याय पण आहे. खूप सारे एफेक्ट देऊ शकता. एफेक्ट नाही आवडले तर ओरीजिनल फोटो परत रिस्टोर करू शकता.
- ओरिजिनल साईज मिळते कि नाही हा पर्याय अजून तपासायला मिळाला नाही आहे.
- शेरिंग चे खूप चांगले पर्याय उपलब्ध. सिंगल फोटो तसेच पूर्ण अल्बम शेअर करू शकता. ब्लॉगर, मायस्पेस, फेसबुक सारखे अनेक साईट ला शेरिंग करणे सोपे आहे.
- फ्री अकाउंट तुम्हाला १ जीबी ची जागा देतो व २५ जीबी ची ट्राफिक देतो. पण मी लॉगीन केले तेव्हा ५०० एमबी ची जागा आणि १० जीबी चीच ट्राफिक मिळाली बहुतेक आता कमी केली असावी. फुकट असल्यामुळे काही बोलू शकत नाही.
- १० जीबी पेक्षा जास्त ट्राफिक झाले कि आपोआप फोटोबकेट आपले फोटो ब्लॉग वरून काढून टाकतो. (????)
- जास्तीत जास्त १ एमबी किंवा १०२४ x ७६८ चा फोटो अपलोड करू शकतो. एका स्लाईडशो मध्ये जास्तीत जास्त २५ फोटो राहतात.
- व्हिडीओ अपलोड ची पण सेवा आहे. पण फक्त १०० एमबी किंवा ५ मिनिटांचा
नक्की उच्चार काय आहे माहित नाही. युनिकोड मध्ये टाईप केले तर मेजुबा आले. खूप छान साईट आहे.
- फ्री रजिस्टर करू शकता
- अमर्यादित ट्राफिक
- ओरिजिनल फोटो डाउनलोड करू शकता. (बॅकअप घेण्यासाठी उत्तम पर्याय)
- अमर्यादित स्टोरेज
- सिंगल फोटो तसेच पूर्ण फोल्डर हि अपलोड करू शकता.
- अपलोड करण्यासाठी Window explorer सारखे ऑपरेटिंग साईट वर असल्यामुळे अपलोड करायला एकदम मस्तच.
- १ जीबी पर्यंत फोटो अपलोड ( खूप म्हणजे खूपच जास्त) सध्या तरी एवढी सेवा कुठलीच साईट पुरवत नाही.
- शेरिंग करायला पण सोप्पी आहे.
- इतर सदस्याचे फोटो पाहून कमेंट करू शकता.
- वर दिल्यापैकी फ्लिकर, पिकासा, फोटोबकेट वर अपलोड केलेले फोटो डायरेक्ट ह्या साईट वर आणु शकता.
- जिओ -तॅग़ (GEO-TAG) पण करू शकतात .
- फेसबुक प्रमाणे मित्र परिवार बनवू शकता.
आतापर्यंत आवडलेल्या वेबसाईट पैकी हि खुपच सुंदर साईट आहे. अजून हि खूप साईट आहेत पण त्या नंतर च्या पोस्ट मध्ये टाकेन.
लहानपणी ऐकले होते. गरज हि शोधाची जननी आहे. गरज संपली कि शोध हि थांबतो. कदाचित म्हणूनच मेजुबा साईट भेटल्या पासून मी नवीन साईट शोधायच्या थांबवले आहे.
तुम्ही पण वापरून बघा आणि कळवा. तुम्हालाहि काही साईट माहित असल्यास कमेंट मध्ये टाकायला विसरू नका
आता खूप फोटो काढा....
Posts
0 comments:
Post a Comment